Centros de visitantes

Para aqueles grupos sen ánimo de lucro que queiran realizar unha visita guiada nos centros de visitantes, pódese concertar dita visita co equipo de guías propios do Parque a través do formulario de solicitude de actividades.

Centro de Visitantes das Illas Atlánticas

Atópase nun edificio histórico situado no casco vello da cidade de Vigo, dende onde se trata de amosar os valores naturais e culturais das illas atlánticas dun xeito moi artístico coa intención de trasladarnos a este singular espazo protexido.

Aqueles que visiten este centro antes de ir ás illas terán unha mostra previa da riqueza das illas e poderán recabar información e consellos para un maior goce e aproveitamento da súa estancia nas illas.

Horario inverno (do 1 de outubro o 14 maio agás semana santa)

Luns a xoves 10-14h

Venres e sábado 10-14h / 16.30-19:30h

Domingos e festivos pechado.

* Entre semana de 10-12h atención preferente a grupos escolares.

Horario de verán (do 15 de maio ao 30 de setembro):

Martes a sábado 10-14h /16:30-20:00h

Luns, Domingos e festivos pechado

Teléfono: 886 21 80 82 Ubicación: Rúa Palma 4. Casco Vello - Vigo (tras a Colexiata ou Concatedral de Vigo)

Pequeno

Centro de Visitantes da Illa de Ons

Situado no edificio que albergou a escola, no barrio de Curro, na entrada da illa, a súa exposición céntrase no modo de vida, costumes e tradicións dos habitantes deste arquipélago.

Normalmente abre polas tardes en tempada alta.

Pequeno

Centro de Visitantes das Illas Cíes

Situado nun antigo almacén de artillería, sobre as ruínas do antigo mosteiro de Sto. Estevo. Está na illa do Faro, a 1km do porto, e accédese camiñando a través da ruta do Faro de Cíes. A súa exposición céntrase nos distintos ecosistemas do Parque Nacional.

Normalmente abre polas tardes en tempada alta.

Pequeno

Exposición do Pazo de Sálvora

No pazo do Almacén, antiga salgadura, nas inmediacións do peirao, hai exposto pezas etnográficas recuperadas da aldea de Sálvora e do propio pazo, así como unha mostra de cunchas e outros rastros da fauna da illa. A sala soe estar aberta todo o ano.