Asiste a un dos nosos cursos

 

• IX Xornadas de Conservación e Estudo do Parque Nacional das Illas Atlánticas de Galicia

Divulgación dos traballos de conservación e protección sobre o patrimonio natural do PNMTIAG

24 e 25 de marzo de 2025

Parque Nacional das Illas Atlánticas, Rúa Oliva 3, 36202 Vigo

Inscricións: https://forms.gle/NfyCpz1L4DifZNxE8

Máis información: iatlanticas [at] xunta.gal (iatlanticas[at]xunta[dot]gal) / 886 218 090

A declaración dun Parque Nacional responde á necesidade de preservar os seus valores naturais e culturais, promovendo á vez a investigación e a difusión do coñecemento. No caso do Parque Nacional Marítimo-Terrestre das Illas Atlánticas de Galicia, este obxectivo reflíctese nun esforzo continuo de conservación e estudo dos seus ecosistemas e do seu patrimonio. Este traballo debe ir acompañado dunha estratexia eficaz de divulgación, garantindo que os resultados das investigacións cheguen tanto aos profesionais e afeccionados ao medio ambiente como á sociedade en xeral. Nesta novena edición das xornadas, promovidas pola Dirección Xeral de Patrimonio Natural a través do Parque Nacional, presentaranse os avances máis recentes en materia de conservación e investigación, reforzando o compromiso coa protección deste espazo.

PROGRAMA DAS XORNADAS:

luns 24 de marzo:

09:30 Recepción e entrega da documentación

10:00 Presentación das Xornadas. Representante da Consellería de Medio Ambiente e Cambio Climático

10:30 Presentación do video "Querida gaivota maldita!" IBIS Natureza e Imaxe

11:00 O seguimento das poboacións de aves de interese para a conservación no Parque Nacional das Illas Atlánticas. Ignacio Munilla Rumbao, TRAGSA.

11:30 Aspectos ecolóxicos do xabarín na illa de Cortegada. Xosé Pardavila Rodríguez, Sorex Ecoloxía e Medio Ambiente.

12:00 Descanso - Café

12:30 Flora terrestre de interese para a conservación no Parque Nacional. Asier Rodríguez Larrinaga, ENEBADA

13:00 Control de especies invasoras na illa de Sálvora no marco dos Planes de Impulso ao Medio Ambiente. Vicente Piorno, Parque Nacional das Illas Atlánticas de Galicia

13: 30 Medidas de xestión e conservación no Parque Nacional das Illas Atlánticas de Galicia: a gaivota patiamarela e a percepción, preferencias e emocións dos visitantes. Mario Soliño Millán, Instituto de Investigacións Mariñas - CSIC

14:15 Pausa para comida

15:30 Observatorio mariño do cambio global na Rede de Parques Nacionais (Observatorio TIAMAT). Xosé Antonio Padín Álvarez, Instituto de Investigacións Mariñas - CSIC

16:00 Proxecto MICROSUB: Os estuarios subterráneos do Parque Nacional das Illas Atlánticas. Eva Teira González, Centro de Investigación Mariña da Universidade de Vigo

16:30 Novidades na recuperación do patrimonio arqueolóxico do Parque Nacional . Adolfo Fernández Fernández, Universidade de Vigo

17:00 Colonos, producións e proxectos estatais en Sálvora (1833-1960). José Manuel Vázquez Lijó, Universidade da Coruña

17:30 A xeoloxía do Parque Nacional das Illas Atlánticas de Galicia. Roberto Rodríguez Fernández, ICOG

 

Martes, 25 de marzo:

10:00 Novidades no desenvolvemento do LIFE INSULAR. Pablo Ramil Rego, IBADER - Universidade de Santiago

10:30 Actuacións de retirada de flora invasora de gran porte na Illa de San Martiño no contexto do LIFE INSULAR. Susana Marcos Ramos e Javier Cuenca Duyos, TRAGSA

11:00 Retirada de flora invasora para a recuperación de hábitats dunares no LIFE INSULAR. Miguel Ángel Fernández Martínez, Ecoplanin

11:30 Presentación do vídeo do LIFE INSULAR . Montserrat Martínez Morán, Parque Nacional das Illas Atlánticas de Galicia

12:00 Descanso - Café

12:30 Retirada de flora invasora e recuperación de hábitats para a fauna xilófaga na Illa de Cortegada. Juan Vidán Estévez, SEAGA

13:00 Conservación dos bosques de kelp no litoral galego: actuacións de seguimento e recuperación. Rodolfo Barreiro Lozano, Universidade da Coruña

13: 30 A recuperación de hábitats costeros e marinos no proxecto PRTR marino José Antonio Fernández Bouzas, Parque Nacional das Illas Atlánticas de Galicia

 

Título do curso: Deseño de actividades teatrais en Espazos Naturais: Ferramentas, aptitudes e técnicas.

Datas e lugar de celebración: Sábado 22 e domingo 23 de marzo de 2025. Centro de Visitantes do Parque Nacional das Illas Atlánticas de Galicia

Duración e horario : 16 horas. As dúas xornadas de 10 h a 14 h e 16 h a 20 h.

Modalidade: Presencial

Dirixido a: Educadores ambientais, guías ambientais, turísticos e profesionais interesados na interpretación do patrimonio natural e cultural.

Número de prazas: 25

Obxectivos

1. Desenvolver habilidades para deseñar rutas teatralizadas e outras actividades en espazos naturais. 

2. Aprender técnicas de interpretación do patrimonio natural e cultural. 

3. Potenciar a creatividade no uso de recursos teatrais aplicados ao turismo sostible. 

4. Fomentar a posta en valor do medio natural a través de experiencias inmersivas. 

5. Fomentar a creatividade e a imaxinación para a elección de temática, personaxes e historias. 

6. Empregar recursos didácticos para a realización de actividades teatralizadas no medio natural. 

7. Crear unha historia e representala en público traballando en grupo. 

Programa do Curso

Sesión 1: Introdución ao deseño de actividades teatralizadas

• Definición e beneficios das rutas teatralizadas. 

• Tipos de rutas: histórica, cultural, infantil, educativa. 

Sesión 2: Ferramentas e recursos necesarios

• Identificación e selección de espazos naturais axeitados. 

• Uso de vestiario e atrezo: ideas creativas e sostibles. 

• Recursos narrativos: creación de guións atractivos e dinámicos. 

Sesión 3: Aptitudes e técnicas interpretativas

• Técnicas básicas de interpretación teatral. 

• Comunicación co público: adaptación a diferentes idades e perfís. 

• Exercicios prácticos de improvisación e expresión corporal. 

Sesión 4: Deseño e planificación da ruta

• Elaboración do itinerario: criterios de accesibilidade e seguridade. 

• Integración de elementos naturais e culturais na narrativa. 

• Ensaios e retroalimentación grupal. 

Sesión 5: Posta en valor do medio natural e cultural

• Estratexias para transmitir mensaxes de conservación e respecto ambiental. 

• Avaliación do impacto da ruta teatralizada nos visitantes. 

• Presentación dos proxectos finais deseñados polos participantes. 

Metodoloxía: Aprendizaxe experiencial a través de obradoiros prácticos, dinámicas grupais e simulacións reais en contornas naturais.

Certificación: As persoas participantes recibirán un certificado de aproveitamento do curso.

Sistema de inscrición: Ligazón de acceso ao formulario de inscrición:

As prazas cubriranse por orde de inscrición ata cubrir prazas dispoñibles.

 

Inscrición: Prazas esgotadas

______________________________________________________________________________________________

 

A continuación móstranse as actividades formativas que se realizan periodicamente, e toda a información asociada sempre que estean abertas as convocatorias:

• Curso de formación para guías na Rede de Parques Nacionais (Parque Nacional das Illas Atlánticas).

Datas da fase on-line: do 8 abril ao 11 xullo de 2025.
Datas da fase presencial: Está previsto a realización no último cuatrimestre do ano.  Consultar aquí. 
A fase on line tenrá unha duración de 70 horas e desenevolverase mediante a plataforma de aprendizaxe Moodle. Ademáis, constará, aproximadamente, de 30 horas presenciais.

Data de inscripción: do 10 de febrero a las 08:00 h (a.m) ao 21 de febreiro ás 08:00 h (a.m) 

Esta formación é especialmente útil para aqueles profesionais autónomos/as ou traballadores/as de empresas, que desenvolvan a súa actividade como guía intérprete no Parque.

Obxectivos:

Dar a coñecer aos participantes as funcións e habilidades necesarias para guiar a persoas e/ou grupos no Parque Nacional.

Cos contidos deste curso preténdese:

• Proporcionar as bases conceptuais e teóricas nas que se desenvolve a función de Guía na Rede de Parques Nacionais.
• Capacitar aos e as alumnos/as para analizar e comprender os principios teóricos da Interpretación e daa educación ambiental na función de guía ambiental.
• Formar na aplicación de ferramientas de interpretación e educación ambiental.

CONTIDOS TEÓRICOS:

Primera parte XENÉRICA: (50 horas)

UNIDADE DIDÁCTICA 1: Espacios naturais protexidos e Parques Nacionais
UNIDADE DIDÁCTICA 2: Uso Público nos Parques Nacionais
UNIDADE DIDÁCTICA 3 Educación ambiental e interpretación do patrimonio
UNIDADE DIDÁCTICA 4: Deseño e comunicación de mensaxes nas visitas guiadas interpretativas.

Segunda parte ESPECÍFICA do Parque Nacional: (20 horas)

UNIDADE DIDÁCTICA 5: Medio natural e sociocultural do Parque
UNIDADE DIDÁCTICA 6: Normativa e uso público do Parque

Requisitos técnicos para el usuario: Dispositivo con conexión a Internet, software básico de comunicacións.  Habilidades básicas no manexo de Internet e de procesador de textos.

INFORMACIÓN E INSCRIPCIÓN


OUTROS CURSOS:

• Xornadas de estudo e investigación no PNMTIAG. 
• Formación para profesionais do sector turístico sobre a contorna PNMTIAG. 
• Curso de formación para profesionais dos medios sobre os activos e xestión de PNMTIAG.
• "Dominio público mariño-terrestre nos parques nacionais", para persoal da Garda Civil.