Miradoiro

Miradoiro dende onde poderemos gozar das vistas da cara leste da illa e a costa próxima, e onde están as ruínas dunha antiga fortificación defensiva do s.XIX.

Espectacular miradoiro dende onde divisar a illa de Onza, e, se hai visibilidade, as Cíes ó fondo.

Nesta fermosa enseada poderás desfrutar da beleza e forza do Océano Atlántico.

Mítico espazo onde o mar penetra na terra. Lugar de moitas lendas.

Os illotes que rodean Sálvora son parte das zonas de reserva que acollen a súa gran riqueza biolóxica.

Dende este piñeiral onde se atopan algúns piñeiros mansos que probablemente teñen máis de 100 anos, podemos gozar das vistas sobre as illas Malveiras. A Malveira grande alberga un dos bosquetes costeiros de cerquiño mellor conservados da Península Ibérica.

O observatorio está actualmente pechado ao público.

Poderás observar os cantís onde crían corvos mariños e gaivotas patiamarelas. Podes tamén gozar dunha boa panorámica sobre a costa próxima e máis ao norte verás tamén a illa de Ons.

Dende este punto gozaremos dunha magnífica perspectiva dos cantís da illa do Faro e do forte contraste entre a paisaxe da cara leste, máis resgardada cara o interior da ría, e a da cara oeste, batida continuamente polo océano.

O observatorio está actualmente pechado ao público.

Poderás observar os cantís onde crían corvos mariños e gaivotas patiamarelas. Terás unha boa panorámica dos cantís da illa Norte, e do complexo da praia barreira-lagoa de Rodas

Singular formación xeolóxica, rocha perforada pola erosión dos ventos atlánticos cargados de salitre. Non está permitido subirse a ela.