Faro

No punto máis alto da illa, unha bela construción que domina a paisaxe de Ons. É un dos últimos faros habitados por fareiros. Non é visitable e non se permite o paso polo interior do recinto.

Construído en 1921, tras o naufraxio do vapor Santa Isabel diante do antigo Faro que databa de 1852. Aínda que o recinto está pechado, pódese admirar a construción dende o sendeiro que sae á dereita do portal.

Pequeno faro onde divisar a costa da Vela, tramo costeiro máis próximo da illa.

O Faro de Cíes, situado no punto máis alto visitable. Bo sitio onde contemplar os cantís e o voo das gaivotas que alí crían. Para non alteralas non te achegues nin alimentes as aves.

Dende este pequeno faro na parte baixa do cantil podemos observar a illa de San Martiño e a zona mariña que os separa, unha das canles de entrada das augas océanicas na ría.